AÐALFUNDUR FÍT 2018

Aðalfundur FÍT var haldinn 16. okt. 2018 kl. 17:30 í Listaháskóla Íslands, Þverholti. 

Fundur settur kl. 17:30

Magnús Hreggviðsson formaður setti fundinn. Löglega var boðað til aðalfundar. Magnús stjórnaði fundinum og fór yfir helstu viðburði starfsársins:

  • STARFSEMI FÉLAGSINS 2018

Samstarf við Fyrirmynd

Fyrirmynd endurvakið sl. haust undir hatti FÍT

Á fulltrúa í stjórn FÍT sem er Linda Ólafsdóttir

Fyrirmynd telur um 30 félaga.

Linda talar um starfsemi Fyrirmyndar á síðasta ári. Segir frá sýningunni “Endurteikning” á Hönnunarmars 2018 sem fór svo á Akureyri og er á leið aftur til Reykjavíkur og verður sett upp á Borgarbókasafni. Einnig stóð Fyrirmynd fyrir Manga maraþoni.

Samningurinn við Hönnunarmiðstöð kynntur.

Samningurinn er samstarfssamningur allra fagfélaga við Hönnunarmiðstöð um framlag til uppbyggingar og reksturs miðstöðvarinnar og var samningurinn undirritaður í sumar.  Umræður um slíkan samning hafa staðið yfir í langan tíma enda Hönnunarmiðstöð í eigu félaganna. Samningurinn er gerður til að efla árangur og þjónustu við félögin.

Unnið er að upplýsingarvef á íslensku og ensku og mun hvert félag eiga þar sitt svæði.  FÍT greiðir 5.000 kr. fyrir hvern félagsmann.

FÍT keppninni 2018.

Sagt frá nýju flokkunum sem komu inn síðast.

-Opinn stafrænn flokkur

-Stakar myndskreytingar

-Myndskreytingaraðir

Tilnefningar til verðlauna birtar eins og síðast, yfirlitsvefur og gefið út verðlaunarit.

Rætt um verðlaunagripinn sem var afhentur í ár og sagt frá að stjórnin er að vinna í að fara aftur í sambærilegt útlit á verðlaunagrip eins og hann hefur verið síðustu misseri. þ.e. kubb og hverfa frá verðlaunagrip í bókaformi.

Áfram verða veitt aðalverðlaun.

Stjórn vinnur áfram í að þróa og móta flokkana, eins og:

-Mörkun fyrirtækja

-Menningar- og viðburðarmörkun

-Auglýsingaherferðir

-Stafrænar herferðir.

Fít verðlaunaafhendingin var aftur í Tjarnarbíó - Talið vel lukkað kvöld.

Stjórn hvetur félagsmenn til að koma sínum skoðunum á framfæri varðandi fyrirkomulag FÍT keppnar til stjórnar.

Hönnunarmars

Stór samsýning í Listafni Reykjavíkur

- Verðlaunasýning / FÍT

- EndurTeikning / Fyrirmynd

- TypoCraftHelsinki to Reykjavik / FÍT

- Afhjúpun merkis / Grapíka Islandica

- Systralag / Bergflóra Jónsdóttir

- 100 persónur / Bjarni Helgason

- Mæna 9 / LHÍ

Opnun Hönnunarmars fór fram í Listasafninu í tilefni 10 ára afmælis

Þórdís Erla Zoega var sýningarstjóri og Erla María var tengiliður FÍT við Hönnunarmars.

Þótti í alla staði mjög vel heppnuð sýning.

ADC*E samstarf

4 manna dómnefnd sem er á leið til Barcelona.

Þeir eru: Einar Gylfason, Gunnar Þorvaldsson, Rán Flygenring og Selma Rut Þorsteinsdóttir.

High Potentials - ACD*E young talent show.

Elín Elísabet Einarsdóttir

Annað

HA tímaritið sent til félagsmanna tvisvar á ári.

FÍT félagsskírteinin er hægt að sækja í Hönnunarmiðstöð. Þeir sem búsettir eru úti á landi geta sent á okkur beiðni og við komið þeim í póst.

FÍT á fulltrúa í stjórn Hönnunarmiðstöðvar, Myndstefs og ADC*E.

Stjórn hvetur félagsmenn að sækja sér upplýsingar í Myndstef - Hægt að nálgast upplýsingar og aðstoð við höfundarétt félagsmanna vegna opinberra endurbirtinga og sýninga á verkum þeirra og stuðla að almennri höfundaréttargæslu á þessu sviði. Myndstef innheimtir einnig þóknun fyrir notkun á höfundarétti félagsmanna sinna og kemur henni til skila til þeirra.

Á döfinni:

-Fleiri viðburðir í samstarfi við ACD*E

-Stofna til samtals um hvort eigi að opna FÍT fyrir fleiri tegundum hönnuða og skapandi fólks.

-Nánara samstarf við Hönnunarmiðstöð í kjölfar samsarfssamnings

-FÍT keppnin

-Hönnunarmars

Félagsmenn hvattir til að skila inn sínum pælingum varðandi uppsetningu á FÍT keppninni og á Hönnunarmars.

  • UPPGJÖR ÁRSINS 2018

    Farið yfir uppgjörið. Félagið stendur vel og komu engar athugasemdir varðandi uppgjörið. Uppgjör verður hægt að nálgast á heimasíðu FÍT.

  • LÖGÐ INN TILLAGA UM BREYTINGU Á LÖGUM FÍT.

Tillagan snýst um að fjölga um einn í stjórn, til að styrkja stjórnina og dreifa álagi og breyting felur í sér að Fyrirmynd eignist fastan fulltrúa í stjórn. Breytingin felur ekki í sér neinn kostnað fyrir félagið.

Ef breyting er samþykkt þá kemur núverandi varamaður inn í stjórn FÍT.

(Sigríður Rún)

Lögð er tillaga að þessari breytingu á 5.grein:

Áður:

5. grein

a. Stjórn félagsins skipa þrír menn, auk formanns og fulltrúa nemenda.

b. Aðalfundur félagsins kýs árlega tvo stjórnarmenn til tveggja ára í senn. Formaður

skal kosinn sérstaklega, til tveggja ára. Að auki skal fulltrúi nemenda eiga

sæti í stjórn félagsins, en hann er kosinn til eins árs í senn. Einnig skal á aðalfundi

kjósa tvo varamenn í stjórn. Stjórnin skal kjósa varaformann, ritara og gjaldkera á

fyrsta stjórnarfundi eftir aðalfund.

Nú:

5. grein

a. Stjórn félagsins skipa sex manns. Stjórnin er skipuð þrem félagsmönnum

auk formanns, einum fulltrúa Fyrirmyndar, samtaka myndhöfunda og einum

fulltrúa nemenda.

b. Aðalfundur félagsins kýs árlega tvo stjórnarmenn til tveggja ára í senn.

Formaður skal kosinn sérstaklega, til tveggja ára. Fulltrúi Fyrirmyndar á sæti

í stjórn félagsins, en hann er kosinn til tveggja ára í senn. Að auki skal fulltrúi

nemenda eiga sæti í stjórn félagsins, en hann er kosinn til eins árs í senn.

Einnig skal á aðalfundi kjósa tvo varamenn til tveggja ára í senn í stjórn.

Stjórnin skal kjósa varaformann, ritara og gjaldkera á fyrsta stjórnarfundi

eftir aðalfund.

Breytingartillaga var samþykkt.


  • KOSIÐ UM FORMANN, VARAMANN Í STJÓRN AUK NEMENDAFULLTRÚA.

Kristín Eva kynnir sig og bíður sig fram sem formaður FÍT.

Gísli Arnarson kynnir sig og bíður sig fram sem formaður FÍT.

Helena Rut kynnir sig og bíður sig fram sem nemendafulltrúa FÍT.


Helena Rut er kosin sem fulltrúi nemenda.

Kristín Eva er kjörin formaður

Enginn varamaður í stjórn kosinn - Félagsmenn hvattir til að hafa samband við stjórn hafi þeir áhuga.


*Nefnt að það þurfi að uppfæra reglur félagsins um að það þurfi að vera 4 meðlimir stjórnar til að fundur teljist löglegur.


Fundi slitið kl.18:15



Samantekt Íris Ösp


AÐALFUNDUR FÍT 2016

Aðalfundur FÍT var haldinn 20. okt. 2016 kl. 17 í Listaháskóla Íslands, Þverholti.

FUNDARGERÐ

1.  Fundur settur kl. 17:15
Magnús Hreggviðsson formaður setti fundinn. Löglega var boðað til aðalfundar.

2.  Skýrsla stjórnar
Magnús Hreggviðsson formaður, sem stjórnaði fundinum, fór yfir helstu viðburði starfsársins:

Heimsíða FÍT fór í loftið á síðasta aðalfundi. Vonir standa til að ensk útgáfa síðunnar verði tilbúin fljótlega á nýju ári.

ADC*E - FÍT gekk að nýju til liðs við ADC*E eða Art Directors Club of Europe eftir tveggja ára hlé. ADC*E eru samtök félaga evrópskra hönnuða og auglýsingagerðarfólks.Þannig geta verk sem vinna til verðlauna í hinni árlegu FÍT keppni um það besta í grafískri hönnun og myndskreytingum á Íslandi, tekið þátt í alþjóðlegri samkeppni þar sem það besta í grafískri hönnun og auglýsingagerð í Evrópu er verðlaunað ár hvert. Keppnin er dæmd af um 50 fagaðilum alls staðar að úr Evrópu. Formaður FÍT á sæti í stjórn ADC*E og sótti hann tvo fundi/viðburði á vegum samtakanna ytra.
FÍT sendi þrjá dómara í keppnina erlendis nú í haust en fjögur verðlaunaverkefni úr FÍT keppninnu voru tilnefnd: Innri fegurð - Interactive & Mobile, Íslenskt lamb – Corporate Brand Identity, Sopranos – Film and Radio, Orka til framtíðar – Interactive and Mobile

FÍT keppnin og Hönnunarmars
Verðlaunaafhending FÍT keppninnar fór fram í Tjarnarbíó daginn fyrir opnun Hönnunarmars. Þar var Hörður Lárusson útnefndur heiðursfélagi FÍT.
FÍT sýningin var opnuð sama kvöld í húsi Sjávarklasans á Granda ásamt sex öðrum sýningum tengdum grafískri hönnun og myndskreytingum:

  • FÍT keppnin 2016 – það besta í grafísk hönnun og myndskreytingum á Íslandi árið 2015. Keppnin var haldin í sextánda skiptið. Dómnefnd valdi þau verk sem þóttu skara fram úr og verkin sem unnu til verðlauna og viðurkenninga voru sýnd á veglegri sýningu.

  • Vættir, veggspjaldasamsýning 36 teiknara sem var haldin í annað skipti á HönnunarMars. Myndefnið að þessu sinni var „Vættir“ eða yfirnáttúrulegar verur, sem hver teiknari túlkaði á sinn hátt.

  • Mæna tímarit um hönnun á Íslandi er gefið út árlega af nemendum á lokaári í grafískri hönnun við hönnunar- og arkitektúrdeild Listaháskóla Íslands, í samstarfi við prentsmiðjurna Odda og Gunnar Eggerts.

  • Hamskipti. Nemendur á öðru ári í grafískri hönnun við Listaháskóla Íslands voru með veggspjaldasýningu þar sem þeir nálguðust hugtakið „hamskipti“ á ólíkan hátt.

  • Hunters by Studio Erla & Jónas "Hunters" röð teikninga sem unnar eru með blandaðri tækni og sýna börn halda í æskuna og leikgleðina. Vinnustofa Erlu & Jónasar, hönnunar- og myndskreytistúdíó, rekið af hjónunum Erlu Maríu Árnadóttur og Jónas Valtýssyni.

  • The Art of Graphic Storytelling. Vinnustofa og sýning Nikki Kurt; Graphic Storytelling - sýnir á grafískan hátt hvernig við hlustum og meðtökum upplýsingar.

  • Places of Origin. Polish Graphic Design in Context. Grafísk hönnun frá Póllandi í landfræðilegu- og menningarlegu samhengi.

3.  Fjármál
Innkoma á árinu: félagsgjöld um 1,6 millj.kr.   innsendingar í FÍT keppnina 1,8 millj.kr.
Útgjöld – helstu kostnaðarliðir:
FÍT keppnin og sýning á Hönnunarmars 2,8 millj.kr. þ.á.m. veglegt prentað verðlaunarit og netútgáfa um þau verk sem unnu til verðlauna.  
HA tímaritið tvö tbl. til félaga 560 þús.kr.
Heimasíða FÍT 230 þús.kr.
ADC*E 203 þús.kr.
Afkoma: tap ársins var 714 þús.kr.
Staða í lok starfsárs: inneign á bankareikn. FÍT í lok árs 40.183 kr.

4.  Kosning stjórnar
Rebekku Alberts var sérstaklega þakkað fyrir góð störf á árinu sem fulltrúi nemenda, en hún lætur nú að störfum.
Ein staða var laus og var Klara Arnalds kosin til áframhaldandi setu í stjórn.
Núverandi stjórn skipa: Magnús Hreggviðsson, Klara Arnalds, Þorleifur Gunnar Gíslason og Kristín Edda Gylfadóttir ásamt Sverri Erni Pálssyni sem er nýr fulltrúi nemenda.
Auk þess var kosið um tengilið FÍT við Hönnunarmars, Iona Sjöfn Huntingdon-Williams gaf kost á sér í það embætti. 

5.  Félagsgjöld næsta árs
Samþykkt var að hækka félagsgjaldið úr 12 þús.kr. í 15 þús. kr. Félagsgjaldið verður innheimt í byrjun árs 2016. Þetta er gert til að mæta halla í rekstri félagsins, sem má rekja til hærri kostnaðar vegna hækkunar almenns verðlags, auk aukinna umsvifa í starfi félagsins.

6. Hugsanlegt samstarf FÍT við Hönnunarmiðstöð (HM)
Hörður Lárusson heiðursfélagi FÍT og formaður stjórnar HM kynnti hugsanlegt samstarf FÍT og HM. Hönnunarmiðstöð Íslands er í eigu Félags íslenskra teiknara, Arkitektafélags Íslands, Félags húsgagna- og innanhússarkitekta, Félags íslenskra landslagsarkitekta, Félags vöru- og iðnhönnuða, Leirlistafélags Íslands, Fatahönnunarfélags Íslands, Textílfélagsins og Félags íslenskra gullsmiða.

HM hefur lagt fram tillögu um aukið samstarf við félögin. Ýmsir möguleikar gætu falist í slíku samstarfi, t.d. að HM sjái um innheimtu félagsgjalda og daglegan rekstur svo stjórnir gætu frekar einbeitt sér að faglegri hliðum. Einnig gætu heimasíður félaganna hugsanlega verið saman undir hatti HM og félagsskírteini/afslættir til félaga svo eitthvað sé nefnt.

Stjórn FÍT mun ræða hugmyndina á næstu mánuðum við HM og kynna málið fyrir félögum þegar að því kemur.

Fundi var slitið kl. 18:15.
Samantekt Kristín Edda